快速地略過近來事項...
尋日比賽完古箏,
聽日比賽辯論[我係台下發問],
近來對我黎講最重要既事係....
我就黎俾人禁網啦.....(倒地)     [鹿鼎記大結局屈居第二...]

我唔制唔制唔制唔制唔制唔制唔制唔制唔制唔制唔制唔制唔制唔制唔制唔制唔制
唔制唔制唔制唔制唔制唔制唔制唔制唔制唔制唔制唔制唔制唔制唔制唔制唔制唔制(滾地)

發完癲，我貼一貼前幾日發現既一幅圖......(竊笑)

哇哈哈....整呢幅圖既人實在太勁、太有創意了.....(笑趴)

今日係三月一日，就等我黎做d最有意義既野啦....
就係....
補祝wen既生日！！！

真係唔好意思.....(愧)
過左咁耐先同你補祝(係網上)...
鑑於你唔會太鐘意我既熱吻，唯有俾佢個個你....

講返尋日....- -
本來見到家長日當天媽冇乜反應，就以為警報已經戎除啦....
點知....
尋日媽突然「省」到我令一令.....= =
我係毫無準備之下，中曬招...(倒地)

咁係佢既盛怒之下，好識做人既我又點會咁笨嘗試去開電腦呢?
所以.....
尋日我一口氣KO左三本書....
真係好爽！
好耐冇咁暢快咁睇書了.....
先至發覺，我同D書寶貝已經無見左好長既一段日子......(嘆)

之後，續返上次既3A大作！
今次俾段小D架啦！

【原文】
《天淨沙‧秋思》 馬致遠
枯藤老樹昏鴉，
小橋流水人家，
古道西風瘦馬。
夕陽西下，斷腸人在天涯。

【改篇】
《天都悶‧換師》   佚名
筆記預習昏師，
廢話連篇好D，
最慘係改筆記。
夕陽西下，亡命人在3A。

哈哈！依然文采十足呢？
同上次個個係兩個人黎架，大家要讚嘆既話就分開讚啦！XD

最後係俾我D收藏大家睇睇...
呃...大家想睇就睇啦，唔想睇既可以將你地既玉鼠標移去右上角既紅色交叉，再一CLICK！
就得架啦~ (無力)
我奉上既，就係鍾漢良食野既GIF！
講真，都唔少架.....(心心眼)

大家估下佢食緊咩？
呵呵呵呵...
真係好可愛.....

今日係隆重既家長日...
個心好不安...
唉....
講真，我點解不安?!
呃...呢層....- -

講講3A既大件事，真係好大件架！
話說個老師——「一心」(orz點解俾個咁既名佢...)，叫我地抄曬成個學期既notes落本notesbook度...
而勁多人既notes都係寫係本書度既，寫得勁多！
一個月後交喎....
就係咁...同學們鬧起左罕有既革命....(囧)
接下來，俾d口號大家聽聽———

【原文】

《水調歌頭‧明月幾時有》 蘇軾
丙辰中秋，歡飲達旦。大醉，作此篇，兼懷子由。
明月幾時有，把酒問青天？
不知天上宮闕，今夕是何年。
我欲乘風歸去，唯恐瓊樓玉宇，高處不勝寒。
起舞弄清影，何似在人間。

轉朱閣，低綺戶。照無眠。
不應有恨，何事長向別時圓？
人有悲歡離合，月有陰晴圓缺，此事古難全。
但願人長久，千里共嬋娟。

【改篇】

《水調歌頭‧明月不見有》
己丑正月，通宵達旦，大暈，作此篇，兼懷一心。
明月不見有，舉杯望天花。
不知頭上時鐘，現在是何時。
我欲乘夜就寐，又恐文集未作，明天不能交。
起身做功課，何似在煉獄！
轉樓閣，低銅戶，照不眠。
不應繼續，何時停筆才做完？
功有數之不盡，課有永世不斷，此事千古有。
但願人長壽，千年慢慢做。

哈哈，我班d同學真係好有才！
我真係十世都唔會諗到d咁既野出黎....orz
仲有兩篇架！想睇既留下cm唔該- -

突然發覺要打曬我係桂林既點點滴滴出黎係一件好大好大既工程....
所以....
請大家遺忘佢啦....(跪求)

最近發現自己對作文既興趣大左好多...
15號同tami去比賽，拎唔拎到獎就唔理啦....
又唔洗錢，驚咩喎....(奸笑)
思考到落筆到完成既經過先係最重要既~
除左15號既，仲有一個要寄去既故事創作比賽...
不過個腦暫時一片空白...- -
等有靈感先算啦...(擺手)

今日篇作文俾老師讚~ (羞)
好開心！
因為我對篇文有好大期望...
當時寫到好high~
我諗而家俾我重寫既話我一定咩都諗唔到....orz
或者遲d我打上黎？(眾：呢個先係你既目的牙?)
嘿...嘿...